Azərbaycanın valyuta ehtiyatları artıb - Mərkəzi Bankın sədri
28.10.2022 12:29
Azərbaycanın strateji valyuta ehtiyatları 55 milyard dolları ötüb, bunu Azərbaycan Mərkəzi Bankının (AMB) sədri Taleh Kazımov deyib.
"2022-ci ilin 9 ayı ərzində strateji valyuta ehtiyatlarının həcmi 3,5% artaraq 55,1 milyard dollara çatıb. Bu da öz növbəsində Mərkəzi Bankın özünün valyuta ehtiyatlarının artmasına - 7,7 milyard dollara (artım 8,4%) təsir edir", - Kazımov cümə günü mətbuat konfransında bildirib.
Azərbaycanın strateji valyuta ehtiyatları Mərkəzi Bankın ehtiyatları, Dövlət Neft Fondunun vəsaitləri və Maliyyə Nazirliyinin xəzinədarlıq fondları hesabına formalaşır.
N.Təbrizli
www.anews.az
Foto 
Video 
