Mərkəzi Bank sərtləşdirməyə keçdiyini elan edib
28.10.2022 13:45
Azərbaycan Mərkəzi Bankı uçot dərəcəsini artırmaqla pul siyasətinin sərtləşdirilməsi kursu götürüb. Bu barədə Azərbaycan Mərkəzi Bankının (AMB) sədri Taleh Kazımov bildirib.
"Əsas məqsədimiz inflyasiyaya təsir edə bilməkdir", - Kazımov cümə günü uçot dərəcəsinin artırılması ilə bağlı mətbuat konfransında bildirib.
O qeyd edib ki, pul siyasətindəki dəyişikliklər 2022-ci il sentyabrın 1-dən bazara təsir etməyə başlayıb.
"Biz bunun təsirini əsasən faiz dəhlizinin aşağı həddini sabit 4%-ə saldıqdan sonra müşahidə edirik”, - Kazımov vurğulayıb.
Mərkəzi Bankın baş direktoru Vüqar Əhmədov öz növbəsində qeyd edib ki, uçot dərəcəsinin oktyabrın 28-dən 7,75%-dən 8%-ə qaldırılması qlobal iqtisadi proseslər, inflyasiya, həmçinin gözləntilər nəzərə alınmaqla qəbul edilib və bu, siyasətin sərtləşdirilməsi kimi səciyyələndirilə bilər.
Əhmədov qeyd edib ki, sərtləşdirmə 2 parametrə əssasən həyata keçirilir. Bunlardan biri xərclər, digəri isə pul məbləğidir.
Azərbaycan Mərkəzi Bankı cümə günü uçot dərəcəsini 7,75%-dən 8%-ə qədər artırıb. Faiz dəhlizinin aşağı həddi 4 faizdən 5 faizə qaldırılıb, yuxarı həddi 9,25 faiz səviyyəsində saxlanılıb.
2022-ci ilin sonuna Azərbaycan hökuməti orta illik inflyasiyanı 12,5% (2022-ci ilin 9 ayının nəticələrinə görə 13,4%) gözləyir.
2021-ci ildə Azərbaycanda orta illik inflyasiya 6,7% təşkil edib.
N.Təbrizli
www.anews.az
Foto 
Video 
