Türkiyə prezidenti Ərdoğan Rusiya qazının Avropaya paylanacağını açıqlayıb

Ankara Rusiya qazının "Türk axını” ilə Avropa ölkələrinə paylanmasını təmin edə biləcək. "Anadolu” agentliyi xəbər verir ki, bu barədə Türkiyə lideri Ərsoğan respublikanın qarşıdan gələn yüzilliyi ilə bağlı açılış nitqi zamanı bildirib.

"Rusiya ilə apardığımız danışıqlar nəticəsində,  təbii qazın "Türk axını” ilə Avropaya paylanmasını təmin edəcəyik”, -prezident bildirib.

Oktyabrın 19-da Ərdoğan Rusiya prezidenti Vladimir Putinlə Avropa dövlətlərini yanacaqla təmin etmək üçün qaz qovşağının yaradılması barədə razılığa gəldiyini açıqlayıb.

"Türk axını”nın Kırklareli vilayətində yerləşən qolunun çıxış nöqtəsində Türkiyədə qaz qovşağı yaradıla bilər.

Hazırda Ukraynada Rusiya Federasiyası Silahlı Qüvvələrinin xüsusi əməliyyatı davam edir. Bunu fevralın 24-də Rusiya prezidenti Vladimir Putin bəyan edib. Onun sözlərinə görə, hərbi əməliyyatın məqsədi qonşu ölkəni demilitarizasiya etmək və onun hakimiyyətini denazifikasiya etməkdir.


www.anews.az