Kremldən Paşinyanın Qarabağla bağlı istəyinə REAKSİYA

Kreml Soçidə keçiriləcək Rusiya-Ermənistan-Azərbaycan liderlərinin üçtərəfli görüşündə Qarabağdakı sülhməramlıların mandatının uzadılmasına dair sənədin imzalanmasının mümkünlüyü barədə suala cavab verib.

Rusiya prezidentinin sözçüsü Dmitri Peskov bildirib ki, "görüşün özünü gözləmək lazımdır”.
 
Ermənistanın baş naziri Nikol Paşinyan bugünkü açıqlamasında deyib ki, Rusiya sülhməramlılarının mandatının 10-20 il uzadılmasına dair sənədi imzalamağa hazırdı. O, Soçidə belə bir sənədin masaya qoyula biləcəyini mümkün sayıb. Bununla yanaşı, Paşinyan şərtləri Rusiyanın müəyyən etməli olduğunu da qeyd edib.

Oktyabrın 31-də Soçidə Qarabağ məsələsi ilə bağlı Rusiya-Ermənistan-Azərbaycan sammiti keçiriləcək. Rusiya prezidenti Vladimir Putinin Ermənistanın baş naziri və Azərbaycan prezidenti ilə ayrı-ayrılıqda ikitərəfli görüşləri də planlaşdırılır.

www.anews.az