Daha 4 subyekt Ağdam Sənaye Parkına daxil olub

"Bu şirkətlərin investisiyalarının həcmi 27 milyon manat təşkil edəcək və onlar 250-dən çox daimi iş yeri yaradacaq", - Cabbarov rəsmi Facebook səhifəsində yazıb.

İndiyə kimi Ağdam Sənaye Parkına 7 sahibkar subyekti  daxil idi. Onlar tərəfindən ümumilikdə 50 milyon manatdan çox investisiya yatırmaq planlaşdırılırdı. Daha 4 sahibkar subyekt daxil olduqdan sonra onların sayı 11-ə çatıb. 

Cabbarov bundan əvvəl bildirmişdi ki, İqtisadiyyat Nazirliyi Ağdam Sənaye Parkında həyata keçirilməsi üçün 15 yeni layihəni nəzərdən keçirir. Bu layihələrə sərmayə qoyuluşu 60 milyon manat həcmində qiymətləndirilir, onların həyata keçirilməsi 800 nəfərin daimi işlə təmin olunmasına imkan verəcək.

2021-ci il mayın 28-də Azərbaycan prezidenti İlham Əliyev Ağdam Sənaye Parkının yaradılması haqqında sərəncam imzalayıb. Sənaye parkının ərazisi 190 hektardır.