Azərbaycanın xalis maliyyə aktivləri 65 milyard manatı ötüb
02.11.2022 16:52
Azərbaycanın xalis maliyyə aktivləri (XMA) 2022-ci il sentyabrın 1-nə 65 milyard 353,5 milyon manat həcmində qiymətləndirilir.
Belə məlumatlar Hesablama Palatasının 2023-cü il dövlət büdcəsi layihəsinə dair rəyində verilib.
SKMF-nin strukturunda əsas hissə Dövlət Neft Fondunun (ARDNF) aktivlərinin payına düşür və 78 milyard 888,5 milyon manat təkil edib.
Avqustun sonuna vahid xəzinə hesabının qalığı 809,3 milyon manat həcmində qiymətləndirilir, idarəetməyə verilmiş vahid xəzinə hesabının vəsaiti - 2 milyard 636,7 milyon manat, müqavilə öhdəlikləri üzrə xarici dövlətlər tərəfindən ödənilməli olan borc - 6,3 milyon manat, dövlət müəssisələrinin cari ilin dövlət büdcəsi qarşısında öhdəlikləri - 10 milyon manat təşkil edib.
Eyni zamanda, 2022-ci il sentyabrın 1-nə daxili və xarici dövlət borcunun ümumi məbləği 16 milyard 997,3 milyon manat səviyyəsində qiymətləndirilir ki, bu da XMA-nın həcminin azalmasına səbəb olur.
N.Təbrizli
www.anews.az
Foto 
Video 
