Ərzaq buğda istehsalçılarına subsidiyalar veriləcək

Bu vəsait buğda idxalından asılılığın azaldılmasına və ölkənin buğda ilə özünü təmin etməsinin artırılması üçün yeni tənzimləmə mexanizmlərinin yaradılmasına yönəldiləcək.

Bundan əlavə, 2023-cü ildən ərzaq  buğdası istehsalı üçün məhsulun pilot layihə kimi subsidiyalaşdırılması nəzərdə tutulur (yığılmış məhsul Dövlət Ehtiyatları Agentliyinə və un dəyirmanlarına təhvil veriləcək).

Həmçinin ərzaq buğdasının becərildiyi ərazilərdə istifadə olunacaq suvarma sistemlərinin quraşdırılması və avadanlıqla təmin olunması üçün güzəştlərin tətbiqi, mineral gübrələrin beynəlxalq bazarlarda bahalaşmasının Azərbaycan fermerlərinin istehsal xərclərinə təsirini yumşaltmaq üçün subsidiyaların həcmini artırmaq  nəzərdə tutulub.

Azərbaycan prezidenti İlham Əliyev bir müddət əvvəl ölkədə taxılçılıqla özünütəminetmə səviyyəsinin 62 faiz olduğunu, bu göstəricinin 80 faizə çatdırılması vəzifəsinin qarşıya  qoyulduğunu bildirmişdi.

 

"Hesab edirəm ki, əgər biz təxminən 3-4 il ərzində özümüzü ərzaq buğdası ilə 80 faiz səviyyəsində təmin edə bilsək, bu, çox gözəl nəticə olar”, - Əliyev deyib.

Dövlət Gömrük Komitəsinin məlumatına görə, 2022-ci ilin yanvar-sentyabrında Azərbaycan 262 milyon 66,4 min dollara 744 min 200,35 ton (artım 7,9%) buğda idxal edib. Azərbaycan buğdanı əsasən Rusiya və Qazaxıstandan idxal edir. İdxalın 90%-i Rusiyanın , 10%-i isə Qazaxıstanın payına düşür.