BP Azərbaycan podryatçılara ayırdığı vəsaiti açıqlayıb

"Göstərilən məbləğdən 500,3 milyon ABŞ dolları məbləğində sifariş 14 müştərək müəssisə, 29,8 milyon dolları 27 dövlət müəssisəsi, 218 milyon dolları 196 kiçik və orta müəssisə, 250,5 milyon dolları BP-nin Azərbaycanda layihələrində çalışan 97 xarici şirkət tərəfindən yerinə yetirilib” ,- şirkətin mətbuat xidmətinin məlumatında bildirilib.

BP-Azərbaycan şirkətinin 2022-ci ilin yanvar-sentyabrında sosial layihələrin həyata keçirilməsinə layihə tərəfdaşları ilə birgə və ayrıca yatırılan vəsaitlər də daxil olmaqla ümumi investisiyaları 4 milyon ABŞ dolları təşkil edib.

"Azəri”, "Çıraq” və "Günəşli”nin dərinsulu yataqlarının işlənməsi üzrə müqavilə 1994-cü ildə imzalanıb. Blokda neft hasilatı 1997-ci ilin noyabrında başlayıb.

Bu müqavilənin müddəti 2024-cü ildə başa çatır. Lakin 2017-ci il sentyabrın 14-də Bakıda AÇG blokunun işlənməsi üzrə 2050-ci ilə qədər hesablanmış yeni müqavilə imzalanıb.

Yeni müqaviləyə BP-nin (layihə operatoru) payı 30,37%, Azərbaycan Dövlət Neft Şirkəti - 25%, Amerikanın Chevron və ExxonMobil - 9,57% və 6,79%, Hindistanın ONGC - 2,31%, Yaponiyanın Inpex Corp. və Itochu Oil - müvafiq olaraq 9,31% və 3,65%, Norwegian Equinor - 7,27%, Türkiyənin TPAO - 5,73% daxil olub .

"Şahdəniz” yatağının işlənməsi üzrə müqavilə 1996-cı il iyunun 4-də Bakıda imzalanıb və həmin il oktyabrın 17-də Milli Məclis tərəfindən ratifikasiya edilib. Tərəflərin müqavilədə iştirak payı - BP (operator, 29,99%), SOCAR (21,02%), LUKOIL (19,99%), NICO (10%), TPAO (19%) kimi bölüşdürülüb. 

Bakı-Tbilisi-Ceyhan neft kəməri layihəsinin iştirakçıları BP (30,1%); SOCAR (25%); MOL (8,9%); Equinor (8,71%); TPAO (6,53%); ENI (5%); ExxonMobil (2,5%), Itochu (3,4%); INPEX (2,5%), TotalEnergies (5%) və ONGC (2,36%) şirkətləridir.