Qriqoryan: Sülh müqaviləsi ilə bağlı Bakı və Rusiyanın təklifləri var
05.11.2022 11:09
Ermənistan və Azərbaycan xarici işlər nazirlərinin Vaşinqtonda keçiriləcək görüşündə iki ölkə arasında sülh müqaviləsi ilə bağlı rəsmi Bakının təkliflərinə İrəvanın cavabları müzakirə olunacaq. Bunu Ermənistan Təhlükəsizlik Şurasının katibi Armen Qriqoryan erməni mediasına müsahibəsində deyib.
Onun sözlərinə görə, hazırda masada iki sənəd var, onlardan biri Azərbaycan, digəri isə rusiya tərəfindən təklif olunub.
"Azərbaycanın 5 təklifindən sonra sülh müqaviləsini təqdim etdilər və biz bunun əsasında gələn həftə Vaşinqtonda xarici işlər nazirlərinin görüşündə bunu müzakirəə edəcəyik. Bir də Rusiyanın təklifi var, o, sülh müqaviləsinin parametrləri ilə bağlı təklifdir. Başqa təklif yoxdur. Yəni Qərbdən təklif var demək yanlışdır. Qərb daha çox bizə variantlar tapmaqda kömək etməyə çalışır. Vaşinqtonda keçiriləcək görüşdə Azərbaycanın təklif etdiyi varianta Ermənistanın cavabları müzakirə olunacaq”, - Qriqoryan bildirib.
Armen Qriqoryan müsahibəsində "Dağlıq Qarabağ respublikası”nın status məsələsi ilə bağlı heç bir məsələnin müzakirə olunmayacağını açıqlayıb.
O, Ermənistan, Rusiya və Azərbaycan dövlət başçıları arasında Soçidə keçirilən üçtərəfli danışıqları və onun yekunu olaraq qəbul edilən bəyanatı da şərh edib.
Qriqoryanın sözlərinə görə erməni tərəfi bir neçə dəfə Rusiya təklifləri paketində Dağlıq Qarabağ probleminin dəqiq əks olunmasına cəhd edib.
"Rusiya tərəfi əvvəllər bunun təmin olunacağı ilə bağlı bizə söz vermişdi. Amma belə olmadı. Biz həmçinin istəyitdik ki, sülhməramlıların Dağlıq Qarabağda yerləşdirilməsini istəmişdik. Amma son bəyənata bunu salmadılar. Biz Rusiya ilə işləyir və bu istiqamətdə nəticələrə nail olmağa çalışırıq”, Qriqoryan bildirib.
O həmçinin sülhməramlıların Qarabağda qalma müddətinin uzadılması ilə bağlı Ermənistan baş nazirinin təşəbbüsünə Rusiya tərəfinin reaksiyası barədə də danışıb.
Qriqoryanın sözlərinə görə, Rusiya tərəfinin "deyəsən bu məsələyə anlayışlı yanaşması var və bu istiqamətdə işləməyə, məsələnin həlli yollarını tapmağa cəhd etməyə dəyər”.
Rusiya sülhməramlılarını başqa ölkələrin sülhməramlılarına dəyişmək imkanına gəlincə Qriqoryan qeyd edib ki, erməni tərəfi başqa tərəfdaşlarla bu məsələni müzakirə etməyib.
Gülnar Nazimqızı
www.anews.az
Onun sözlərinə görə, hazırda masada iki sənəd var, onlardan biri Azərbaycan, digəri isə rusiya tərəfindən təklif olunub.
"Azərbaycanın 5 təklifindən sonra sülh müqaviləsini təqdim etdilər və biz bunun əsasında gələn həftə Vaşinqtonda xarici işlər nazirlərinin görüşündə bunu müzakirəə edəcəyik. Bir də Rusiyanın təklifi var, o, sülh müqaviləsinin parametrləri ilə bağlı təklifdir. Başqa təklif yoxdur. Yəni Qərbdən təklif var demək yanlışdır. Qərb daha çox bizə variantlar tapmaqda kömək etməyə çalışır. Vaşinqtonda keçiriləcək görüşdə Azərbaycanın təklif etdiyi varianta Ermənistanın cavabları müzakirə olunacaq”, - Qriqoryan bildirib.
Armen Qriqoryan müsahibəsində "Dağlıq Qarabağ respublikası”nın status məsələsi ilə bağlı heç bir məsələnin müzakirə olunmayacağını açıqlayıb.
O, Ermənistan, Rusiya və Azərbaycan dövlət başçıları arasında Soçidə keçirilən üçtərəfli danışıqları və onun yekunu olaraq qəbul edilən bəyanatı da şərh edib.
Qriqoryanın sözlərinə görə erməni tərəfi bir neçə dəfə Rusiya təklifləri paketində Dağlıq Qarabağ probleminin dəqiq əks olunmasına cəhd edib.
"Rusiya tərəfi əvvəllər bunun təmin olunacağı ilə bağlı bizə söz vermişdi. Amma belə olmadı. Biz həmçinin istəyitdik ki, sülhməramlıların Dağlıq Qarabağda yerləşdirilməsini istəmişdik. Amma son bəyənata bunu salmadılar. Biz Rusiya ilə işləyir və bu istiqamətdə nəticələrə nail olmağa çalışırıq”, Qriqoryan bildirib.
O həmçinin sülhməramlıların Qarabağda qalma müddətinin uzadılması ilə bağlı Ermənistan baş nazirinin təşəbbüsünə Rusiya tərəfinin reaksiyası barədə də danışıb.
Qriqoryanın sözlərinə görə, Rusiya tərəfinin "deyəsən bu məsələyə anlayışlı yanaşması var və bu istiqamətdə işləməyə, məsələnin həlli yollarını tapmağa cəhd etməyə dəyər”.
Rusiya sülhməramlılarını başqa ölkələrin sülhməramlılarına dəyişmək imkanına gəlincə Qriqoryan qeyd edib ki, erməni tərəfi başqa tərəfdaşlarla bu məsələni müzakirə etməyib.
Gülnar Nazimqızı
www.anews.az
Son xəbərlər 
Daha çox
Foto 
Video 
