Azərbaycanın ən az qazlaşdırılan bölgələrinin adı açıqlandı
15.11.2022 17:41
Hazırda Azərbaycan ərazisinin 96,3% qazlaşıb. Bu barədə Anews.az-a "Azəriqaz” İstehsalat Birliyinin baş direktoru Ruslan Əliyev bildirib.
Bununla yanaşı o qeyd edib ki, Lerik,Yardımlı Cəlilabadda qazlaşma digər rayonlara nisbətən aşağı səviyyədədir.
Əliyevin sözlərinə görə, 2022-ci ilin planında 110-a yaxın yaşayış massivinin qazlaşdırılması nəzərdə tutulub.
"Onlardan 90-u üzrə proses yekunlaşmaq üzrədir. Digərlərində isə son işlər aparılır. İlin sonuna kimi onlarda da işlər yekunlaşacaq. Növbəti il üçün qazlaşdırma prosesi təxmini 140 yaxın yaşayış massivinin aparılacaq", - Əliyev qeyd edib.
O bildirib ki, gələn il 5 min kilometrə kimi qaz xəttinin təmiri nəzərdə tutulub.
"2023-cü ilin planı təsdiq olunmaq üzrədir. Bu ayın sonuna kimi tam təsdiqlənmə yekunlaşacaq. Növbəti il üçün həm təmir, həm də tikinti planını əvvəlki ildən 20 faiz artıq planlamışıq. Ümumilikdə 5000 km-ə yaxın qaz xəttlərinin təmiri nəzərdə tutulub", - Əliyev deyib.
Azərbaycanın işğaldan azad edilmiş ərazilərinin qazlaşdırılmasına gəlincə isə Əliyev söyləyib ki, bu i 4 mərhələli plan üzrə gedir və hazırda "Azəriqaz" İB layihləndirməni nəzərdə tutan artıq birinci mərhələni bitirmək üzrədir.
Növbəti mərhələ üçün Energetika Nazirliyinin tərkbində olan komissiyanın tapşırığı olmalıdır. Bundan sonra ikinci mərhələyə başlanılacaq.
Gülnar Nazimqızı
www.anews.az
Foto 
Video 
