Azərbaycanda büdcə ili dəyişdirilə bilər
16.11.2022 12:27
Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili Azərbaycanda büdcə ilinin başlanmasının yanvarın 1-dən aprelin 1-nə keçirilməsini təklif edib.
"Biz büdcə ilinin dəyişdirilməsini təklif edirik. Hazırda büdcə ili yanvarın 1-dən başlayır. Biz təklif edirik ki, aprelin 1-də başlayıb martın 31-də başa çatsın. Bu təcrübə dünyanın bir çox aparıcı ölkələrində tətbiq edilir”, - deyə Mirkişili çərşənbə günü parlamentdə Azərbaycanın 2023-cü il dövlət büdcə layihəsinin müzakirəsi zamanı bildirib.
Onun sözlərinə görə, büdcə xərclərinin pik həddinin dördüncü rübə düşdüyü üçün büdcə ilində dəyişikliyin edilməsi bir sıra sənaye sahələrinin maliyyələşdirilməsi ilə bağlı problemlərin həllinə kömək edəcək.
2023-cü il üçün makroiqtisadi mühitə toxunan Mirkişili qeyd edib ki, gələn ilin büdcəsi neftin orta qiymətinin 50 dollar/barel olması əsasında hazırlanıb.
"Gələn il üçün ÜDM artımı 2,7%, inflyasiya 6,9% səviyyəsində proqnozlaşdırılır", - o əlavə edib.
N.Təbrizli
www.anews.az
Foto 
Video 
