MM Fransa senatının qətnaməsi ilə bağlı müzakirələrə başlayıb

 

 

Müzakirələri açan Azərbaycan parlamentinin spikeri  Sahibə Qafarovanın sözlərinə görə, parlament bu qətnamə ilə bağlı Fransa senatına etirazını bildirməlidir. 

 

"Son iki ildə Fransa parlamenti ölkəmiz barədə ədalətsiz mövqeyini nümayiş etdirib. Xalqımıza nifrət yaxan bu qətnamə Ermənistanın iğalçı siyasətinə haqq verən akt kimi qiymətləndirilməlidir. Fransa  qanunvericiləri öz  milli  maraqlarına, Avropa İttifaqı ilə Azərbaycan arasında münasibətlərə zərbə vurmağa hazırdılar. Biz Fransanı tarixə qovuşmuş münaqişəni yenidən alışdırmaq cəhdindən əl çəkməyə çağırırıq",  - Qafarova deyib. 

 

Milli Məclisin qərarının mətninin hazırlanması üçün millət vəkili Səməd Seyidovun rəhbərliyi ilə işçi qrup yaradılıb. İşçi qrupa millət vəkilləri

 

Fransa Senatı çərşənbə axşamı Azərbaycana qarşı sanksiyaların tətbiqi ilə bağlı qətnamə qəbul edib.
 
Sənədə əsasən senat qondarma "Artsax Respublikası”nın müstəqilliyini tanımağa və Azərbaycana qarşı sanksiyalar tətbiq etməyə çağırış edib.

Sənədin lehinə 295, əleyhinə 1 senator səs verib.

Sənədin müəllifləri Fransa Konstitusiyasının 26 iyun 1945-ci ildə qəbul edilmiş 34-1 maddəsinə, BMT-nin 16 sentyabr 2005-ci il tarixli 60/1, 9 noyabr 2020-ci il tarixli bəyanatına istinad edirlər.
 
2020-ci ilin noyabrında Fransa Senatı belə bir qətnamə qəbul etmişdi. Qətnamənin qəbul edilməsinə 305, əleyhinə isə 1 nəfər çıxmışdı.