Macarıstan sankisyalar fonunda 10 milyard avro itirib
18.11.2022 21:23
Macarıstan 2022-ci ildə Aİ-nin anti-Rusiya sanksiyalarına görə 10 milyard avro itirib. Bunu Macarıstanın baş naziri Viktor Orban Macarıstan Konfransının iclasında deyib.
Orbanın qeyd etdiyi kimi, Brüsselin yanlış sanksiya siyasəti "enerji qiymətlərinin kəskin artmasına səbəb olub və bu, Macarıstan iqtisadiyyatında ildə 10 milyard avro həcmində kəsirə səbəb olub”.
Baş nazirin sözlərinə görə, Macarıstan hökuməti ölkə iqtisadiyyatının 6 milyard avro itkisini kompensasiya edəcəyinə ümid edir, lakin qalan 4 milyard avro "büdcəyə ağır yük olacaq”.
Orban bildirib ki, bunlar sosial məqsədlərə, maaşların artırılmasına, vergilərin azaldılmasına, həmçinin macar ailələrinə müavinətlərin ödənilməsinə xərclənə biləcək vəsaitlərdir.
Bundan əvvəl Viktor Orban Kossuth radiostansiyasının efirində Avropa Birliyinin Rusiyaya qarşı sanksiyalarının müharibəyə səbəb ola biləcəyini bildirmişdi.
Macarıstanın baş naziri ölkəsinin 2023-cü ildə Ukraynaya 150 milyon avro yardım etməyə hazır olduğunu açıqlamışdı.Eyni zamanda, Orban Macarıstanın ikitərəfli razılaşmalar əsasında, lakin ümumavropa kreditinə qarşı Ukraynaya yardım göstərməyə hazır olduğunu vurğulayıb
Gülnar
www.anews.az
Foto 
Video 
