Azərbaycanda nağdsız əməliyyatların həcmi 20 milyard manata çatıb
24.11.2022 10:39
2022-ci ildə Azərbaycanda nağdsız əməliyyatların həcmi 20 milyard manata çatıb. Bunu Mərkəzi Bankın sədri Taleh Kazımov bildirib.
"Bu gün ölkə banklarının 84%-i mobil proqramlardan istifadə edir, bank müştərilərinin əməliyyatlarının 77%-i elektron bankçılıq (mobil və internet bankçılıq) vasitəsilə həyata keçirilir. İnternet bankçılığa gəlincə, bu ilin 10 ayı ərzində əməliyyatların həcmi ötən ilin müvafiq dövrü ilə müqayisədə 55%, mobil bankçılıq vasitəsilə aparılan əməliyyatlar 3 dəfə artıb. Bunlar kifayət qədər yaxşı göstəricilərdir”, - Kazımov cümə axşamı VI Beynəlxalq Bankçılıq Forumunda bildirib.
O, həmçinin qeyd edib ki, ödəniş kartları vasitəsilə nağdsız ödənişlərin xüsusi çəkisi 42%-i ötüb ki, bu da ötən illə müqayisədə 12 faiz çoxdur.
"Ümumilikdə, ölkə daxilində nağdsız əməliyyatların həcmi 2,2 dəfə artaraq 20 milyard manata yaxın olub", - Kazımov vurğulayıb.
Təmassız ödənişlərə gəlincə, Mərkəzi Bankın sədri qeyd edib ki, ödənişlərin sayı 3 dəfə, həcmi isə 2,1 dəfə artıb.
N.Təbrizli
Aytac Şirəliyeva
www.anews.az
Foto 
Video 
