Braziliya uduzsa da, qrup lideri oldu - YENİLƏNİB

 Braziliya millisi dünya çempionatının G qrupunu ilk pillədə tamamlayıb.
 
Komanda Kameruna 0:1 hesabı ilə uduzsa da, qrup liderliyini qoruyub.
 
Bu nəticədən sonra 6 xalı olan "sambaçılar" 1/8 finala yüksəlib. Cənubi Amerika təmsilçisi növbəti mərhələdə Cənubi Koreya yığması ilə qarşılaşacaq.
 
 Kamerun seçməsi 4 xalla 3-cü yeri tutaraq, dünya çempionatında mübarizəni dayandırıb.
 
***
00:55
 
Qətərdə keçirilən dünya çempionatında Kamerun və Braziliya yığmaları arasında G qrupunun III tur oyununda hesab açılıb.
 
Afrika təmsilçisi 90+2-ci dəqiqədə Vensan Abubakarın qolu ilə hesabda önə keçib.
 
***
23:01
Dünya çempionatında Kamerun və Braziliya yığmaları arasında G qrupunun III tur oyunu başlayıb.
 

Qarşılaşma Bakı vaxtı ilə saat 23:00-da start götürüb.
 
***
22:14

 

 

 --

Dünya çempionatının G qrupunun III turunda üz-üzə gələcək Kamerun və Braziliya yığmalarının start heyətləri açıqlanıb.