İran XİN - “3+3” platforması Qafqazda regional təhlükəsizliyi təmin edəcək

 "İranla Rusiya arasındakı münasibətlər təkcə Suriya məsələsi ilə məhdudlaşmır. Tehran və Moskva Qafqazda yaxşı qarşılıqlı fəaliyyət göstərirlər və 3+3 əməkdaşlıq formatı Qafqazda regional təhlükəsizliyin təmin edilməsi üçün çox yaxşı model hesab olunur”, - Baqeri Moskvada jurnalistlərə bildirib.

 

İran xarici işlər nazirinin müavini həmçinin bildirib ki, İran və Rusiya əlaqələrin inkişaf etdirilməsi və əməkdaşlığın təşviqi mexanizmləri barədə razılığa gəliblər. 2021-ci il dekabrın 10-da Moskvada 3+3 Məşvərətçi Regional Platformasının ilk iclası keçirilib. İclasa Rusiya, Azərbaycan, Ermənistan və Türkiyə xarici işlər nazirlərinin müavinləri, eləcə də İran Xarici İşlər Nazirliyinin baş direktoru Əlirza Hagiqyan həmsədrlik edib. Gürcüstanın da dəvət olunmuş nümayəndələri görüşdə iştirakdan çəkiniblər. Altıtərəfli əməkdaşlıq formatı - Rusiya, İran, Türkiyə və Cənubi Qafqaz ölkələri Ermənistan, Azərbaycan, Gürcüstan - daha əvvəl Azərbaycan və Türkiyə prezidentləri İlham Əliyev və Rəcəb Tayyib Ərdoğan tərəfindən irəli sürülüb. İran bu ideyanı alqışlayıb və regionda sülhün möhkəmləndirilməsi istiqamətində atılan addımlara töhfə verməyə hazır olduğunu bəyan edib.

 

Gülnar Nazimqızı