18.8 faiz insan düşünür ki, Vardanyan Qarabağda Rusiyanın maraqlarını qoruyur
16.12.2022 15:51
Azərbaycanda respondentlərin 18.8 faizi hesab edir ki, Ruben Vardanyan Qarabağda Rusiyanın maraqlarını qoruyur. Bu barədə Sosial Tədqiqatlar Mərkəzinin sorğusunda bildirilir.
16.9 faiz şəxs onun Qarabağda hər hansı rolu və missiyasının olduğunu düşünmür. Sorğuda iştirak edənlərin 9,7 faizi "Ermənilərin və Qərbin maraqlarını təmsil etdiyini açıqlayıb. 0.8 faiz insan isə hesab edir ki, Ruben Vardanyan ermənilərlə birgəyaşayış və sülh üçün vəziyyəti müsbətə doğru dəyişə biləcək.
Sorğu iştirakçıların 50 faizi isə fikir bildirməkdə çətin çəkib və sorğuda iştirak edənlərin təqribən yarısı sözügedən şəxs haqqında heç bir məlumata malik olmadığını bildirib.
Sentyabrın 1-də erməni əsilli rusiyalı milyarder Ruben Vardanyan Qarabağa köçdüyünü və Rusiya vətəndaşlığından imtina etdiyini açıqlayıb.
"Qondarma Dağlıq Qarabağ Respublikası"nın prezidenti Arayik Arutyunyan Ruben Vardanyanı 2022- ci il noyabrın 4- də dövlət naziri təyin edib.
Forbes jurnalına görə, Vardanyanın 1 milyard dolları var. 2021-ci ilin sonuna sahibkar Rusiyanın 200 ən varlı iş adamı reytinqində 116-cı yeri tutub. 2020-ci ildə isə o, bu siyahıda 103-cü yerdə idi.
Aytac Zeynalova
www.anews.az
Foto 
Video 
