Rusiyanın valyuta ehtiyatları artlb

Rusiya Federasiyasının valyuta ehtiyatları dekabrın 9-dan dekabrın 16-dək 5,2 milyard dollar artıb. Bu barədə Rusiya Mərkəzi Bankı məlumat verib. 

Rusiya bankı bildirib ki, dekabrın 16-na Rusiyanın beynəlxalq ehtiyatları 581,7 milyard dollar təşkil edib.

Dekabrın 9-na olan məlumata görə, beynəlxalq ehtiyatlar 576,5 milyard dollar olub, beləliklə, bir həftə ərzində onlar 5,2 milyard dollar artıb.

Beynəlxalq ehtiyatlar Rusiya Bankı və Rusiya Federasiyası hökuməti tərəfindən saxlanılan yüksək likvidli maliyyə aktivləridir. Onlar xarici valyuta aktivlərindən, monetar qızıldan, xüsusi borc almaq hüququndan (SDR-lər, xüsusi borc almaq hüququ, Beynəlxalq Valyuta Fondu, BVF tərəfindən istifadə edilən hesab valyutası), BVF-də ehtiyat mövqeyi və digər ehtiyat aktivlərdən ibarətdir.