Azərbaycanda bankların xarici öhdəlikləri artıb
23.12.2022 14:04
Azərbaycanda fəaliyyət göstərən bankların xarici öhdəlikləri 30 noyabr 2022-ci il tarixinə 1 milyard 769,3 milyon manat təşkil edir ki, bu da 2021-ci ilin sonuna olan göstəricidən 66,4% çoxdur. Bu barədə Mərkəzi Bank məlumat verib.
2022-ci ilin noyabrında bankların xarici öhdəlikləri 75,6 milyon manat və ya 4,1% azalıb (oktyabrda 37,3 milyon manat artıb).
Mərkəzi Bankın məlumatına görə, noyabrın sonuna Azərbaycan banklarının xalis xarici aktivləri 6 milyard 465 milyon manat təşkil edib ki, bu da 2021-ci ilin sonu ilə müqayisədə 11,3% çoxdur.
Eyni zamanda, noyabrda xalis xarici aktivlər 189,2 milyon manat və ya 2,9% azalıb (oktyabrda 375,2 milyon manat azalıb).
2021-ci ildə Azərbaycanda bankların xarici öhdəlikləri 12,9% azalıb.
Azərbaycanda bankların xarici öhdəlikləri qeyri-rezidentlərdən cəlb edilmiş kreditlər, qeyri-rezidentlərdən cəlb edilmiş depozitlər, qeyri-rezidentlərin qarşısında yerləşdirilmiş qiymətli kağızlar hesabına formalaşır.
Noyabrın sonuna Azərbaycanda 25 bankın fəaliyyət göstərmək üçün lisenziyası olub.
N.Təbrizli
www.anews.az
Son xəbərlər 
Daha çox
Foto 
Video 
