AXCP-nin 8 üzvü aclıq aksiyasına başlayıb
10.01.2023 12:16
İctimai fəal Bəxtiyar Hacıyevin həbsinə etiraz aksiyası zamanı həbs edilən Tofiq Yaqubluya dəstək olmaq məqsədi ilə Azərbaycan Xalq Cəbhəsi Partiyasının 8 üzvü aclıq aksiyasına başlayıb. Bunu Partiyanın sədri Əli Kərimli yanvarın 9-da Toplum Tv-yə müsahibəsində deyib.
"Aksiyaya qoşulmaq istəyənlərin sayı çoxdur, amma yer probleminə görə, hələlik cəmi 8 nəfər aclıq aksiyası keçirir”, - o bildirib
Partiya sədri qeyd edib ki, yer problemini həll edən kimi aclıq aksiyasına qoşulanların sayı artacaq.
ABŞ Dövlət Departamenti Azırbaycan hakimiyyətini Bəxtiyar Hacıyev və Tofiq Yaqublunu tez zamanda azad etməyə çağırıb. Bu barədə departamentin brifinqində departamentin sözçüsü Ned Prays məlumat verib.
"Biz insan hüquqlarına və əsas azadlıqlara hörmətin artırılmasına qətiyyətlə sadiq qalırıq. Və yenə də hökuməti öz vətəndaşlarının hüquqlarını, o cümlədən sülh yolu ilə fikirlərini ifadə etmək hüququnu gözləməyə çağırırıq", - Ned Prays bildirib
Yanvarın 5-də Tofiq Yaqublu həbsinə etiraz olaraq aclıq aksiyasına başlayıb. Bundan sonra, həyat yoldaşı Maya Yaqublu da ona dəstək məqsədi ilə yanvarın 7-dən ona qoşulub.
Lida Abbaslı
Oxşar xəbərlər
Oxşar xəbərlər
Foto 
Video 
