İlin sonuna kimi laçınlılar öz evlərinə köçürüləcək - Əliyev
10.01.2023 18:59
2023-cü ilin sonuna kimi Laçının Zabux və Sus kəndinə 200-dən çox ailə köçürüləcək. Bunu prezident İlham Əliyev jurnalistlərə müsahibəsində deyib.
"Hazırda Laçında və kəndlərində yüzlərlə evlər tikilir. İlin sonuna kimi 1ci qrup laçınlılar yerləşdiriləcək. Zabux və Sus kəndinə də 200-dən artıq ailənin köçürülməsi planlaşdırılır. Paralel olaraq digər rayonlarda da işlər aparılır. Zabuxda ermənilərin yaşadığı evi hansısa bir iş adamı tikmişdi. O evlərdə hazırda həmin bölgədə xidmət aparan Azərbaycan hərbçiləri qalır. Biz o evlərdən kazarma kimi istifadə edirik. Vətəndaşlarımız üçün isə yeni qəsəbə salırıq" - Əliyev bildirib.
Laçın 1992-ci ilin mayın 18-də işğal olunub. 2020-ci il noyabrın 10-u Azərbaycan Prezidenti İlham Əliyev, Ermənistanın baş naziri Nikol Paşinyan və Rusiya prezidenti Vladimir Putin arasında imzalanan bəyanata əsasən, dekabrın 1-də Laçın Azərbaycan Silahlı Qüvvələrinin nəzarəti altına keçib.
Gülnar Nazimqızı
www.anews.az
Oxşar xəbərlər
Oxşar xəbərlər
Foto 
Video 
