Mübariz Mənsimovun gəmilərində Heydər Əliyevin güşələri yaradılacaq
13.01.2023 09:58
"Palmali Holding" şirkətinə məxsus bütün gəmilərə Azərbaycanın eks prezidenti Heydər Əliyevin həyat və fəaliyyətinə həsr olunmuş xatirə guşələri vurulacaq. Bu barədə şirkətin mətbuat katibi Fidan Quliyeva anews.az-a açıqlamasında bildirib.
Bildirib ki, bu qərar iş adamı, xeyriyyəçi Mübariz Mənsimovun təlimatı əsasında qəbul olunub.
"Müstəqil Azərbaycan Ulu Öndərin indiki və gələcək nəsillərə əmanəti, onun zəngin və çoxşaxəli irsi isə xalqımızın milli sərvətidir. Bu müqəddəs mirası qoruyub saxlamaq hər bir azərbaycanlının şərəfli vəzifəsidir. Azərbaycanın ərazi bütövlüyü uğrunda canından keçən qəhrəman şəhidlərimizlə yanaşı, müasir Azərbaycanın banisi, ölkəmiz inkişafı üçün müstəsna xidmətləri olan dahi liderin xatirəsini əziz tutmaq bizim üçün şərəfdir. Fəaliyyətinin bütün dövrlərində Heydər Əliyev canından əziz bildiyi doğma vətəninin və xalqının mənafelərini daim müdafiə etmiş, respublikamızın inkişafı üçün böyük işlər həyata keçirib. "Palmali" ailəsi olaraq biz Ümummilli Liderin Azərbaycanın xoşbəxt gələcəyi naminə gördüyü misilsiz xidmətləri daim xatırlayır və vurğulayırıq. Heydər Əliyevin "Bir millət, iki dövlət" kəlamı, Ulu öndər Heydər Əliyevin və Türkiyə Cümhuriyyətinin qurucusu Mustafa Kamal Atatürkün portretləri bütün gəmilərimizi bəzəyir" - mətbuat katibi deyib.
Prezident İlham Əliyevin sərəncamı ilə 2023-cü il "Heydər Əliyev" ili elan edilib. Bu məqsədlə Azərbaycanda bir sıra tədbirlər planı hazırlanıb.
"Palmali Holdinq"in rəhbəri Mübariz Mənsimovun təşəbbüsü ilə Türkiyədə təhsil akan azərbaycanlı tələbələr üçün "Heydər Əliyev" təqaüdü təsis edilib. Təqaüd həmçinin Mübariz Gurbanoğlu Yardımlaşma Vakfının dəstəyi ilə Azərbaycanın Milli Qəhrəmanı Mübariz İbrahimovun adına məktəbdə təhsil alan azərbaycanlı şagirdlərə də aiddir.
Gülnar Nazimqızı
www.anews.az
Foto 
Video 
