Ötən il qaz ixracı 18 faiz artıb
13.01.2023 12:30
Azərbaycan 2022-ci ildə qaz ixracını 18% artıraraq 22,3 milyard kubmetrə çatdırıb. Bu barədə energetika naziri Pərviz Şahbazov bildirib.
Şahbazov "Twitter” səhifəsində yazıb ki, 2022-ci ildə Azərbaycan qazının Avropaya ixracı 11,4 milyard kubmetr (2021-ci illə müqayisədə 12,3 faiz artıb, - red) və ya Azərbaycan ixracının 51 faizini təşkil edib.
Türkiyəyə qaz ixracı 8,4 milyard kubmetr (ümumi ixracın 38 faizi), Gürcüstana 2,5 milyard kubmetr (ümumi ixracın 11 faizi) təşkil edib. Eyni zamanda, hesabat dövründə TANAP qaz kəməri ilə Türkiyəyə 5,6 milyard kubmetr qaz nəql edilib.
Azərbaycan 2021-ci ildə 19 milyard kubmetr qaz ixrac edib ki, bunun da 8,2 milyard kubmetri Avropanın payına düşüb.
2023-cü ildə qaz ixracı 24 milyard kubmetr səviyyəsində planlaşdırılır ki, bunun da təxminən 12 milyard kubmetri Avropayadır.
Lida Abbaslı
Foto 
Video 
