İranda etiraz aksiyalarında ölən şəxslərin sayı açıqlanıb

Bildirilib ki, ölənlərin 71-nin yaşı 18-dən az olan şəxslərdir.

 

 

Ölkənin 164 şəhərini əhatə edən aksiyalarda ölənlərin ən çox olduğu əyalətlərdə Sistan və Bəluçestan 131, Tehran 56, Qərbi Azərbaycan 54, İran Kürdüstanda 53 nəfər öldürülüb.
 
İranda aksiyanın başlanma səbəbi 2022-ci il sentyabrın 13-də Tehrana gələn Məhsa Əmini qardaşı ilə birlikdə metrodan çıxdığı zaman hicab taxma qaydalarını pozduğuna görə hüquq-mühafizə orqanlarının əməkdaşları tərəfindən saxlanılması olub. Gənc qız polis bölməsində işgəncələrə məruz qalıb. Burnu qırılan Məhsa aldığı ağır xəsarətlərlə xəstəxanaya yerləşdirilib. Zorakılığa məruz qalan 22 yaşlı qız sentyabrın 16-da Tehranın Kəsra xəstəxanasında həyatını itirib.

 

İran İnsan Haqları Təşkilatının verdiyi son məlumata görə, 2022-ci ilin dekabın əvvəlinə kimi İranda 11-i qadın və 5-i uşaq olmaqla 565 nəfəri edam edilib.

İranda Hüquq Müdafiəçiləri təşkilatı (həmçinin HRAI və HRA kimi tanınır) İranda insan haqlarını müdafiə edən vəkillərdən ibarət qeyri-siyasi və qeyri-hökumət təşkilatıdır.
 
HRAI 2006-cı ildə yaradılıb. Qərargahı ABŞ-ın Virciniya ştatının Ferfaks şəhərində yerləşir.

 

Aytac