Xankəndində qalan əcnəbi vətəndaşlar təxliyə olunub
17.01.2023 16:13
Xankəndində qalan əcnəbi vətəndaşlar Rusiya sülhməramlılarının vasitəsilə Laçın dəhlizindən çıxarılaraq təxliyyə edilib. Bu barədə Ruben Vardaryan məlumat paylaşıb.
O bildirib ki, Laçın dəhlizinin bağlanmasından öncə Xankəndində qalan əcnəbilərin bəziləri öz ölkələrinə yola salınıb.
2022-ci il dekabrın 12-də bir qrup azərbaycanlı ekoloq Rusiya sülhməramlı kontingentinin müvəqqəti yerləşdiyi Laçın dəhlizini bağlayıb. Rəsmi Bakı bəyan edib ki, etiraz aksiyasının məqsədi heç bir yolu bağlamaq deyil və mülki nəqliyyat vasitələri hər iki istiqamətdə sərbəst hərəkət edə bilər.
İrəvan bunu humanitar fəlakət yaratmağa yönəlmiş təxribatı kimi qiymətləndirib. Respublikanın baş naziri Nikol Paşinyanın hökumətin iclasında bəyan edib ki, blokadaya görə Qarabağda ərzaq qıtlığı yaranıb. Dekabrın 14-də Ermənistan Azərbaycanı Laçın dəhlizinin blokunu açmağa məcbur etmək tələbi ilə Avropa İnsan Hüquqları Məhkəməsinə müraciət edib.
Azərbaycan prezidenti İlham Əliyev yanvarın 10-da jurnalistlərə verdiyi müsahibədə bildirib ki, humanitar yardımların aparılmasında heç bir problem yoxdur və aksiya keçirildiyi dövr ərzində 400-dən çox sülhməramlı maşını Laçın dəhlizindən keçib. Prezident bəyan edib ki, Azərbaycan məqsədinə çatmayana qədər həmin yolda aksiya davam etdiriləcək.
Yanvarın 17-də Ermənistan mətbuatı məlumat paylaşaraq bildirib ki, Azərbaycan tərəfi Xankəndinə qazın nəqlini yenidən dayandırıb. "Azəriqaz" İB isə şirkətin bu barədə məlumatlı olmaması açıqlamasını verib.
Həmşinin bu gün Ermənistan mediasında Avropa İnsan Hüquqları Məhkəməsi Azərbaycanın Laçın dəhlizinin blokunun açılması ilə bağlı 21 dekabr 2022-ci il tarixli qərarının icrasına nəzarət etmək məqsədilə Avropa Şurası Nazirlər Komitəsinə təcili bildiriş göndərilməsi ilə bağlı xəbər dərc olunub.
Gülnar Nazimqızı
www.anews.az
Oxşar xəbərlər
Oxşar xəbərlər
Foto 
Video 
