Bakı Metropoliteni Rusiya ilə əməkdaşlığı davam etdirir

"Ötən ilin dekabrında Azərbaycana gətirilən 4-cü nəsil 81-765B./81-766B modelli beş vaqondan ibarət yeni qatar xəttə buraxılıb. Ümumilikdə hər biri beş vaqondan ibarət 4 qatar ölkəyə gətirilib ki, onlardan da biri istismara verildikdən sonra dekabrın son günlərində xəttə buraxılıb. Daha iki qatarda işə salma və sazlama işləri aparılır, yaxın vaxtlarda onlar xəttə buraxılacaq”, - məlumatda deyilir.

Bakı Metropolitenindən verilən məlumata görə, yeni vaqonlar istismar müddəti bitmiş köhnələri əvəz edəcək.

Yeni qatarlar əsasən "Həzi Aslanov-Dərnəgül” metrostansiyasının yaşıl xətti ilə hərəkət edəcək.

Müasir metro qatarlarının ümumi sayı 21-ə (105 vaqon) çatdırılıb.

"Metrovaqomaş” şirkəti ilə 12 beş vaqonlu metro qatarından ibarət 81-765.4B / 766.4B seriyalı 60 vaqonun istehsalı üzrə müqavilə 2019-cu ilin oktyabrında imzalanıb. Müqavilə 2020-2023-cü illərdə Azərbaycana  20 müasir metro vaqonunun idxalını nəzərdə tutur.

 

2020-ci ilin iyununda imzalanmış müqaviləyə əsasən isə daha  20 müasir vaqon alınıb.

Yeni qatarların vaqonlarında hərəkət qabiliyyəti məhdud olan sərnişinlər üçün yerlər, əlil arabaları və velosipedlər üçün yerlər var. Qatarın dizaynı bütün vaqonlardan tək keçidi nəzərdə tutur ki, bu da koronavirus pandemiyası zamanı xüsusilə vacibdir. Keçid sərnişinlər arasında sosial məsafə saxlamaqla qatarın içində sərbəst hərəkət etməyə imkan verir.

81-765.4B/766.4B seriyalı metro vaqonları havanı dezinfeksiya edən kondisioner və ventilyasiya sistemləri ilə təchiz edilib.  UV lampaları ilə təchiz edilən avtomatik hava dezinfeksiya sistemi virus və bakterial infeksiyaların, o cümlədən COVID-19-un yayılmasına qarşı əlavə qorunma təmin edir.

"Metrovaqonmaş” 1967-ci ildən Azərbaycanın paytaxtını vaqonlarla təchiz edir. Hazırda Bakı Metropolitenində MVM-də istehsal olunan 300-dən çox vaqon işləyir.