Aİ Rusiyaya qarşı iqtisadi sanksiyaları daha altı ay uzadıb
27.01.2023 17:55
Avropa İttifaqı Şurası Rusiyanın bank, maliyyə və enerji sektorları ilə bağlı iqtisadi sanksiyaların iyulun 31-dək uzadılması barədə qərar qəbul edib. Bu barədə Aİ Şurasının rəsmi saytında yerləşdirilən bəyanatda deyilib.
İndi bu məhdudlaşdırıcı tədbirlər ticarət, maliyyə, texnologiya və ikili təyinatlı mallar, sənaye, nəqliyyat və dəbdəbəli mallar üzrə məhdudiyyətlər də daxil olmaqla geniş tədbirlərdən ibarətdir.
Sanksiyalar həmçinin xam neftin və bəzi neft məhsullarının Rusiyadan Aİ-yə idxalına və ya dəniz yolu ilə daşınmasına qadağa, bir sıra Rusiya banklarının SWIFT beynəlxalq pul köçürmələri sistemindən ayrılması, telekanalların fəaliyyətinin dayandırılması və lisenziyalara xitam verilməsini əhatə edib.
2022-ci ildə Rusiya banklarının Otkritie, Novikombank, Promsvyazbank, Bank of Russia, Sovcombank, VTB, VEB.RF, Sberbank, Rosselxozbank-ın SWIFT, "Moskva Kredit Bankı" və "Belarus Yenidənqurma Bankı"ndan ayrılması qərarından sonra sanksiyalar genişləndirilib.
Yanvarın 25-də "Azadlıq” radiosunun Brüssel müxbiri Rikard Jozwiak xəbər verir ki, Aİ səfirləri Ukraynadakı müharibə ilə əlaqədar Rusiya Federasiyasına qarşı bütün iqtisadi sanksiyaların uzadılmasını təsdiqləyiblər.
2014-cü il iyulun 31-də Avropa İttifaqı Rusiyaya qarşı iqtisadiyyatın konkret sahələrinə qarşı iqtisadi sanksiyalar tətbiq edib.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
