Neft fondundan dövlət büdcəsinə edilən transfertlərin həcmi açıqlanıb
30.01.2023 15:03
2003-cü ildən 2022-ci il dekabrın 31-dək Dövlət Neft Fondundan (ARDNF) Azərbaycanın dövlət büdcəsinə transfertlərin ümumi həcmi 131 milyard 413,3 milyon manat təşkil edib. Bu barədə ARDNF məlumat verir.
"O cümlədən 2022-ci ildə ARDNF-dən dövlət büdcəsinə transfertlərin həcmi 7 milyard 923 milyon manat təşkil edib”, - fonddan bildirilib.
2003-cü ildə Dövlət Neft Fondu Azərbaycanın dövlət büdcəsinə transfertlər həyata keçirməyə başlayıb.
ARDNF Azərbaycan Prezidentinin 29 dekabr 1999-cu il tarixli Fərmanı ilə yaradılıb və dövlət başçısına hesabat verən büdcədənkənar dövlət qurumudur. Fonda neft kontraktlarının icrasından, xüsusən də dövlətin gəlirli neft və qazının satışından, neft və qazın ölkə ərazisindən nəqli üzrə tranzit tariflərindən, dövlət əmlakının icarəyə verilməsindən və s. gəlirləri toplanır.
N.Təbrizli
www.anews.az
Foto 
Video 
