Yunanıstan və Bolqarıstan Türkiyəyə başsağlığı verdi

Bolqarıstan və Yunanıstan Türkiyəyə baş vermiş zəlzələyə görə başsağlığı verib. Bu barədə Bolqarıstan XİN tviter səhifəsində paylaşım edib.
 
"Dünən gecə Anadolunu  cənub-şərqində olan şiddətli zəlzələdə həyatını itirənlərlə bağlı başsağlığı, yaralılarla bağlı təcili şəfa diləklərimizi çatdırırıq. Türkiyənin əziz insanları və hökuməti bu çətin vaxtda Bolqarıstanın dəstəyinə güvənə bilər", - deyə bildirilib.
 
Həmçinin Yunanıstanın baş naziri Kirakos Mitsotakis də başsağlığını ifadə edərək Ankaraya yardım təklif edib.
 
Gecə saatlarında Türkiyənin Kahramanmaraş bölgəsində 7,7 bal, Qaziantepdə isə 6,5-6,4 bal gücündə zəlzələ baş verib. Təbii fəlakət zamanı Malatya, Diyarbakır, Adana, Hatay, Kilis və Osmaniye vilayətlərində binalar dağılıb. Son məlumata görə,  zəlzələ nəticəsində 284 nəfər ölüb, 2323 nəfər yaralanıb.
 

www.anews.az