Albaniya Azərbaycandan ildə 700 milyon kubmetr qaz almağı planlaşdırır

"Albaniya ərazisində ümumi tutumu 7,5 milyard kubmetr olan TAP qaz kəmərindən üç çıxış nöqtəsi var. Hazırda biz kəmərin qərb nöqtəsindən  700 milyon kubmetr  qazı alıb  Vlora şəhərində yerləşən  istilik elektrik stansiyasına (İES) ötürə bilərik. Bu  imkanlar üzərində işləyirik”, -  Beytia bildirib. 

Onun sözlərinə görə, İES əvvəlcə dizel yanacağı ilə işləmək üçün nəzərdə tutulub. "Hazırda onun təbii qaza keçirilməsi üzrə işlər gedir, lakin bu, uzun prosesdir”, - o əlavə edib.

"Biz həmçinin TAP qaz kəmərinin ölkəmizin qaz sisteminə daha yaxşı birləşdirilməsi üçün SOCAR ilə işləyirik. İnterkonnektorların tikintisi, eləcə də şərq bölgəsində, xüsusən də böyük Korca şəhərində qaz şəbəkəsini inkişaf etdirmək lazımdır. Bu, təbii qazdan elektrik enerjisi istehsal etmək, həmçinin qazdan əsas enerji mənbəyi kimi istifadə etmək üçün istifadə edilə bilən çox soyuq bir bölgədir. Biz SOCAR-dan texniki yardım alacağıq və ola bilsin, birgə fəaliyyət göstərəcəyik”, -nazir müavini bildirib.

Beitianın fikrincə, Albaniya Azərbaycanın Avropaya ixrac edəcəyi ikinci 10 milyard kubmetr həcmində olan TAP qaz kəmərini  ehtiyatda saxlamağı planlaşdırır.

"Beləliklə, biz Azərbaycanın "Şahdəniz" yatağından hasil edilən qazın istehlakçısına çevriləcəyimizi gözləyirik", - o deyib.

TAP qaz kəməri Azərbaycanın "Şahdəniz" yatağından onun işlənməsinin "Mərhələ-2"si çərçivəsində ildə 10 milyard kubmetr təbii qazın Avropaya nəqli üçün nəzərdə tutulub. 2027-ci ilə qədər qaz kəmərinin ötürücülüyünün ildə 20 milyard kubmetrə çatdırılması planlaşdırılır.

2021-ci ildə Azərbaycan qazının Avropaya tədarükü 8,2 milyard kubmetr, 2022-ci ildə isə 11,4 milyard kubmetr təşkil edib. 2023-cü il üçün tədarüklərin təxminən 12 milyard kubmetr olacağı proqnozlaşdırılır.