Leobank və Unicapital sizə xarici şirkətlərin səhmdarı olmaq imkanı yaratdı
07.02.2023 17:29
"Unibank”ın "Leobank" mobil bankçılıq xidməti və ölkənin innovativ investiya şirkəti olan "Unicapital İnvestisiya Şirkəti” ASC-nin birgə tərəfdaşlığı nəticəsində, Azərbaycanda ilk dəfə yerli mobil bankçılıq tətbiqi üzərindən investisiya xidmətləri istifadəyə verilib.
Yeni xidmət investisiya şirkətinin ofisinə gəlmədən, investisiya hesabının açılması prosesinin sadələşdirilməsini əhatə edir.
"Leobank” mobil tətbiqinin istifadəçiləri "İnvestisiyalar” bölməsi vasitəsilə qlobal maliyyə bazarlarına çıxaraq, xarici şirkətlərin səhmdarı olmaq imkanını əldə ediblər.
Beləliklə, yüzlərlə maliyyə alətlərinə yatırım edib, nüfuzlu şirkətlərin pay sahibi ola, səhm, investisiya fondları, kriptovalyuta (CFD) kimi maliyyə aləti ilə ticarət etmək, artıq "Leobank” mobil tətbiqi üzərindən investisiya hesabı açmış "Unicapital” müştəriləri üçün əlçatan olub.
Rahat və geniş funksionallıq
Bir kliklə nüfuzlu qlobal şirkətlərin səhmdarı olmaq imkanı
Təcrübəli və etibarlı tərəfdaş olan "Unicapital İnvestisiya Şirkəti” ASC-nin dəstəyi
Xatırladaq ki, Nizamnamə kapitalı 100%-lik "Unibank KB” ASC-yə məxsus olan "Unicapital İnvestisiya Şirkəti” 2007-ci ildən qiymətli kağızların yerləşdirilməsi və investisiya, həmçinin törəmə maliyyə alətləri üzrə xidmətlər təqdim edir. Şirkət ötən ildə Azərbaycanın ilk yerli investisiya platforması olan "UTrader” platformasını istifadəyə verib.
Yuxarıda qeyd olunan bölmə "Leobank”ın 28 aprel 2022-ci il tarixindən sonra qeydiyyatdan keçmiş və "Unicapital İnvestisiya Şirkəti” ASC investisiya müqaviləsini imzalamış müştəriləri üçün aktivdir.
www.anews.az
Foto 
Video 
