Neft fondunun gəlir neftindən gəliri 8,5% azalıb
08.02.2023 19:19
2023-cü ilin yanvarında "Azəri-Çıraq-Günəşli” (AÇG) yataqlar blokundan hasi edilən gəlir neftinin satışından Azərbaycan Dövlət Neft Fonduna (ARDNF) daxilolmalar 625,074 milyon dollar təşkil edib ki, bu da keçən ilin uyğun dövrü ilə müqayisədə 8,5% azdır. Bu barədə ARDNF məlumat verib.
2022-ci ilin yanvarında ARDNF-nin Azərbaycanın AÇG yataqlar blokundan hasil etdiyi gəlir neftinin satışından əldə etdiyi gəlirlər 683,114 milyon dollar təşkil edib.
"Azəri-Çıraq-Günəşli” yatağının işlənməsi üzrə müqavilə 1994-cü il sentyabrın 20-də imzalanıb və həmin il dekabrın 12-də qüvvəyə minib.
Bu müqavilənin müddəti 2024-cü ildə başa çatır. Lakin 2017-ci il sentyabrın 14-də Bakıda AÇG blokunun işlənməsi üzrə 2050-ci ilə qədər hesablanmış yeni müqavilə imzalanıb.
Yeni müqaviləyə əsasən müqavilədə Britaniyanın BP (layihə operatoru) 30,37%, SOCAR (25%), Macarıstanın MOL (9,57%), Amerikanın ExxonMobil (6,79%), Hindistanın ONGC Videsh (2,31%), Yaponiyanın Inpex Corp (9,31%) və ITOCHU Oil (3,65%), Norwegian Equinor (7,27%), Türkiyənin TPAO (5,73%) şirkətlərinin payı var.
Yeni saziş çərçivəsində investisiyalar 2050-ci ilə qədər olan dövr üçün 43 milyard dollar həcmində qiymətləndirilir. Neft hasilatının həcminin 500 milyon tondan çox olması planlaşdırılır.
N.Təbrizli
www.anews.az
Foto 
Video 
