Hatayda zəlzələdən 141 saat sonra ana və övladı xilas edilib
12.02.2023 09:02
Türkiyənin Hatay şəhərinin Antakya rayonunda altımərtəbəli binanın dağıntıları altından ana və övladı sağ çıxarılıb.
Ana və övladın axtarış-xilasetmə əməliyyatı 9 saat davam edib.
Onlar zəlzələdən 141 saat sonra dağıntılar altından xilas ediliblər.
Həkimlərin ilkin yardımından sonra ana və övladı xəstəxanaya qaldırılıblar.
Fevralın 6-da ocağı Türkiyənin Kahramanmaraş şəhərinin Pazarcık rayonu olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub. Güclü yeraltı təkanlardan sonra bölgədə 6,6 maqnitudayadək yüzlərlə afterşoklar qeydə alınıb. Təbii fəlakət Türkiyə və Suriyada böyük dağıntı və minlərlə itkilərə səbəb olub.
İki zəlzələ həmçinin Livan, Kipr, İraq, İsrail, İordaniya, İran və Misirdə hiss edilib.
Türkiyə Prezidenti Rəcəb Tayyib Ərdoğan ölənlərin xatirəsini anmaq üçün ölkədə 7 günlük matəm elan edib. Bundan başqa, ölkənin zəlzələ baş verən 10 şəhərində 3 aylıq fövqəladə vəziyyət elan olunub.
www.anews.az
Oxşar xəbərlər
Oxşar xəbərlər
Foto 
Video 
