Volodin Qarabağla bağlı AŞPA və AP qarışmasının əlehinə çıxıb

"Avropa Parlamentinə müraciət etməzdən və bəzi məsələlərin həllinə bu qurumu cəlb etməzdən əvvəl biz cavab verməliyik: ümumiyyətlə, Avropa Parlamentinin, AŞPA-nın iştirakı ilə hansısa kəskin məsələ və ya münaqişəli vəziyyət həll olundu? Belə bir nümunə yoxdur", - Volodin bildirib.

 

Volodin keçmiş Almaniya kansleri Angela Merkel və Fransanın keçmiş prezidenti Fransua Ollandın Ukrayna ilə bağlı əvvəlki bəyanatlarını xatırladaraq deyib ki,  indi məlum oldu ki, onlar bütün dünyanı aldatdılar, yalan danışdılar.

"Ona görə də Avropa Parlamentini və AŞPA-nı işə cəlb etmək istəyənlər 10 dəfə düşünməli və bunun Ukrayna, Yuqoslaviya və digər ölkələrin timsalında necə bitəcəyini düşünməlidirlər. Sülh istəyən, vəziyyəti həll etmək istəyən başa düşməlidir ki, onların iştirakı vəziyyəti gərginləşdirəcək, getdikcə daha da problemlər yaradacaq. Və bunu edərlərsə, nəticələrinə görə məsuliyyət daşımalıdırlar”, - Volodin vurğulayıb.

Bununla bağlı siyasətçi Azərbaycan, Ermənistan və Rusiya dövlət başçılarının Qarabağ nizamlanması ilə bağlı qərarlarından çıxış etməyə və onları həyata keçirməyə çağırıb.

 

"Avropa institutları istiqamətində bəyanatlar verənlər isə sadəcə olaraq ölkəni itirə bilərlər”, - siyasətçi çıxışını yekunlaşıdıb

 

Azərbaycan Milli Məclisinin sədri Sahibə Qafarova öz növbəsində vurğulayıb ki, Azərbaycan Rusiya prezidenti Vladimir Putinin Qarabağ nizamlanmasında rolunu yüksək qiymətləndirir.