Laçın dəhlizi ilkin şərt olmadan açılmalıdır - Mirzoyan

Bundan əvvəl Azərbaycan prezidenti İlham Əliyev Münhendə Ermənistanın baş naziri Nikol Paşinyan və ABŞ dövlət katibi Entoni Blinkenlə görüşdən sonra Ermənistanla Azərbaycan sərhədində, o cümlədən Laçın rayonu yaxınlığında sərhəd-keçid məntəqələrinin yaradılmasını təklif etdiyini bildirib.

 

Prezident Münhen görüşündə də Nikol Paşinyanla panel çıxışında qeyd edib ki, Laçın dəhlizi bütün humanitar yardımlar və sadə vətəndaşların giriş-çıxışı üçün açıqdır və dəhlizdə ekoloqların aksiyası başlayandan bugünə qədər 2500-dən çox maşının Qarabağa girişi təmin olunub. 

 

Dekabrın 12-dən başlayaraq bir qrup azərbaycanlı ekoloq Rusiya sülhməramlılarının nəzarəti altında olan ərazidə faydalı qazıntı yataqlarının qanunsuz istismarı əleyhinə etiraz aksiyası keçirir. Həmin müddətdə Qarabağın erməni əhalisi  də azərbaycanlı ekoloqlara cavab olaraq  iki etiraz aksiyası təşkil ediblər.  Onların aksiya keçirməsinin əsas səbəbi Laçın dəhlizinin bağlı olması, əhalinin ərzaq, yanacaq və digər ehtiyaclardan məhrum edilməsi göstərilib.   
 
Bu müddətdə bir sıra beynəlxalq təşkilatlar Azərbaycanı yolu açmağa çağırıb. 
 
Azərbaycan hökuməti "Laçın dəhlizi”nin Rusiya sülhməramlı qüvvələrinin nəzarəti altında olduğunu vurğulayaraq, Ermənistanın iddialarını təkzib edib.
 
Rəsmi Bakı bildirib ki, Rusiya sülhməramlılarının nəzarətindəki ərazidə keçirilən aksiya siyasi deyil, ekoloji məqsəd daşıyır və Azərbaycan tərəfi həmin ərazilərdə yaşayan erməni əhalisinə istənilən dəstəyi göstərməyə hazırdır. 
 
Rəsmi Bakı dəhliz ilə humanitar yüklərin daşındığını da vurğulayıb.

 

Gülnar Nazimqızı