Brend mağaza Rusiyada fəaliyyətini tamamilə dayandırır
10.03.2023 16:54
Avstriyanın Svarovski şirkəti Rusiyadakı fəaliyyətini tamamilə dayandırmağı planlaşdırır. Bu barədə şirkətin baş direktoru Aleksis Nazard məlumat verib.
O bildirib ki, ötən il Svarovski Ukraynada genişmiqyaslı müharibə başlayandan sonra Rusiyadakı 12 mağazasını bağlayıb və ölkədə onlayn satışı dayandırıb.
Şirkət rəhbəri şirkətin Rusiya Federasiyasından çıxma müddətini dəqiq söyləməyib.
Bununla belə, baş direktorun sözlərinə görə, o, iqtisadi sanksiyalar və digər ticarət məhdudiyyətləri də daxil olmaqla, bütün qüvvədə olan qanunlara uyğun təşkil olunacaq və həyata keçirəcəyini vurğulayıb.
Bundan əvvəl Zara, Bershka və Pull & Bear Rusiyanı ilk tərk edən brendlər arasındadır. Bu brendlərin daxil olduğu iri geyim mağazaları şəbəkəsinin ispan sahibi "Inditex” 2022-ci ilin martında 502 mağaza və onlayn satışını bağlayıb.
Onun ardınca dünyanın ikinci ən böyük geyim pərakəndə satış şirkəti H&M Rusiyadakı biznesini məhdudlaşdırmaq qərarına gəlib.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
