Almaniya Yaxın Şərq gərginliyi fonunda enerji təhlükəsizliyini müzakirə edir

Almaniyanın Baş naziri Friedrich Merz Yaxın Şərqdə artan gərginlik fonunda ölkənin yanacaq təminatını müzakirə etmək üçün Milli Təhlükəsizlik Şurasını toplamağı planlaşdırır. Bu barədə Der Spiegel məlumat yayıb.

Merz Hannover Messe sərgisinin açılışında bildirib ki, dizel, benzin və reaktiv yanacaq təchizatının sabit saxlanılması əsas prioritetdir. Onun sözlərinə görə, yanacaq bazarında vəziyyət gərgin olaraq qalır, lakin təchizat hazırda təhlükəsizdir.

“Enerji təhlükəsizliyi Almaniya üçün əsas prioritetdir,” – kansler vurğulayıb və vəziyyətin pisləşəcəyi halda hökumətin əlavə tədbirlər görəcəyini qeyd edib.

Merz daha əvvəl, 13 apreldə dizel və benzinə tətbiq olunan enerji vergisinin iki ay müddətinə azaldılacağını açıqlayıb. Bu addım Yaxın Şərqdəki münaqişə fonunda artan qiymətlərin təsirini yumşaltmaq məqsədi daşıyır.

Bununla yanaşı, Reuters agentliyinin məlumatına görə, aprelin əvvəlində Almaniya, İtaliya, İspaniya, Portuqaliya və Avstriyanın maliyyə nazirləri enerji şirkətlərinin artıq mənfəətinə əlavə vergi tətbiq edilməsini təklif ediblər.

Gülnar