Cari ilin iki ayında Azərbaycanın qaz ixracı 13% artıb
16.03.2023 11:26
Cari ilin iki ayında Azərbaycan qaz ixracını ötən ilin eyni övrü ilə müqayisədə 13% artırıb. Bu barədə energetika naziri Pərviz Şahbazov "tvitter" hesabında yazıb.
Bu dövr ərzində Avropaya 1,9 milyard kubmetr, Türkiyəyə 1,7 milyard kubmetr, Gürcüstana isə 0,7 milyard kubmetr qaz ixrac olunub.
TANAP vasitəsilə Türkiyə 0,9 milyard kubmetr qazla təhciz olunub.
Martın 2-də prezident İlham Əliyev Cənub Qaz Dəhlizi Məşvərət Şurası çərçivəsində nazirlərin 9-cu iclasında çıxışı zamanı çıxışında deyib ki, Azərbaycan 2023-cü il Avropaya qaz ixracını iki dəfə artıracaq.
Belə ki, 2027-ci ilədək TAP-la qaz nəqlinin indiki 11 milyard kubmetrdən 20 milyard kubmetrə, TANAP-la isə 16 milyard kubmetrdən 31 milyard kubmetrə çatdırılması nəzərdə tutulur.
Azərbaycan 2022-ci ildə qaz ixracını 18% artıraraq 22,3 milyard kubmetrə çatdırıb. 2023-cü ildə qaz ixracı 24 milyard kubmetr səviyyəsində planlaşdırılır ki, bunun da təxminən 12 milyard kubmetri Avropayadır.
Gülnar Nazimqızı
www.anews.az
Foto 
Video 
