Qazaxıstan Rusiya üçün aprelin 1-dən yeni qadağalar tətbiq edir

 

Sistem sanksiya tətbiq edilən malların Rusiyaya paralel idxalının və təkrar ixracının qarşısını almaq üçün edilir. Fevralda dövlət katibi Entoni Blinken Qazaxıstana səfər edib və Astananın Moskvaya Qərb ölkələrinin tətbiq etdiyi məhdudiyyətlərdən yan keçməsinə kömək edəcəyi təqdirdə, ölkə hakimiyyəti ilə mümkün ikinci dərəcəli sanksiyaları müzakirə edib.

Eurasianet yazır ki, aprelin 1-dən fəaliyyətə başlayacaq sistem Qazaxıstanın Qərbin Rusiya iqtisadiyyatını təcrid etmək üçün tətbiq etdiyi məhdudiyyətlərə əməl etdiyini nümayiş etdirmək cəhdidir.

Astananın Rusiyaya paralel idxal və təkrar ixracı məhdudlaşdıran sistem tətbiq etmək niyyəti fevralda ABŞ dövlət katibi Entoni Blinkenin səfəri zamanı Qazaxıstanın xarici işlər naziri Muxtar Tleuberdinin sözləri ilə təsdiqlənib. Sonra nazir qeyd edib ki, Qazaxıstanın həm Rusiya, həm də Ukrayna ilə həmişə güclü ticarət əlaqələri olub, ona görə də hazırkı vəziyyət ölkə üçün çox ağırdır.

 

2022-ci ildə Qazaxıstandan Rusiyaya ixrac 25% artıb. 

 

Martın əvvəlində Bloomberg yazırdı ki, Moskva Aİ və G7 sanksiyalarından yan keçərək öz sənaye təhlükəsizliyini təmin etmək üçün lazımi Qərb texnologiyasını əldə edə bilib. Ölkəyə idxalın ümumi həcmi isə sanksiyaların hələ qüvvədə olmadığı 2020-ci ilin göstəricilərinə qayıdıb.

Agentliyin məqaləsində Türkiyə, Qazaxıstan və Birləşmiş Ərəb Əmirlikləri vasitəsilə Rusiyaya çiplərin, yarımkeçiricilərin, inteqral sxemlərin və digər elektron komponentlərin ixracının kəskin artdığı vurğulanıb. Bloomberg bəyan edib ki, Moskva faktiki olaraq sanksiyalara məruz qalan malları üçüncü ölkələr vasitəsilə alır.

 

Gülnar