Türkiyədəki seçkilər Cənubi Qafqaz regionuna necə təsir edəcək? - GÖZLƏNTİLƏR

 

Politoloq Elçin Mirzəbəyli bildirir ki, Kamal Kılıçdaroğlunun hakimiyyətə gəlməsi Türkiyənin Cənubi Qafqazdakı hazırki mövqeyini dondura bilər.

 

"Mövcud olan anketlər fərqlidir. Adətən anketlər piar xarakteri daşıyır. Sorğu keçirən şirkətlərin bir hissəsi qərb institutlarını təmsil edir və onlarda açıq şəkildə CHP lideri Kılınçdaroğlunun təbliğatını aparırlar. Faktiki olaraq Türkiyədəki seçki prosesinə müdaxilə edirlər. Bu anketlərin içərisində neytral olanlarda var. Həmçinin hakim partiyanın nəzarətində olan sorğu agentlikləridə var. Ona görə də bu sorğuların nəticələri reallığı əks etdirmir. Kılıçdaroğlu əgər qalib gələrsə, Türk və islam dünyasında olan liderlər onunla yola getməyəcəklər. Bu reallıqdır və Türkiyə 1990-cı illərin Türkiyəsinə cevriləcək. Həmçinin o hakimiyyətə gəlsə belə, onun hakimiyyətdə çox qalacağını düşünmürəm. Çünki, müəyyən layihələrdə onun gerçək siması açıq şəkildə ortaya çıxmaqdadır. Onun hakimiyyətə gəlməsi Cənubi Qafqazdakı proseslərə mənfi təsir göstərəcək və onun hakimiyyəti olduğu müddətdə də Cənubi Qafqazda hər-hansı bir irəliləyişin baş verəcəyini gözləmirəm”, - politoloq bildirib.

 

"Düşünürəm ki, Kılıçdaroğlunun prezident seçilməsi nəticəsində Türkiyənin Cənubi Qafqaz siyasətində irəliləyiş olacaq və Rusiyasız bir Cənubi Qafqaz siyasəti yürüdüləcək. Yəni Türkiyə Rusiya ilə hansısa şəkildə razılaşma əsasında Cənubi Qafqaz siyasəti yürütməyəcək və müstəqil şəkildə bunu həyata keçirəcək. Məncə bu da daha çox sülhə xidmət edəcək. İpək yolu haqqındakı layihəyə görə, Kılınçdaroğlunu tənqid edirlər. Mən bu tənqidləri əsaslı görmürəm. Çünki, faktiki tarixi ipək yolunun coğrafiyası bəllidir. Əgər Azərbaycan Naxçıvan üzərindən kommunukasiyaları bərpa edəcəksə, bundan sonrakı mərhələdə Azərbaycanın İpək Yolu qovşağından kənarda qalması mümkün deyil. Bunun üçün ilk növbədə Azərbaycan sülhə nail olmalıdır. Türkiyə, Naxçıvan və Azərbaycan quru yolları kommunukasiyası tamam bərpa olunandan sonra Azərbaycanın alternativlər irəli sürmək imkanları olacaq. Hazırda isə bu yol olmadığına görə, irəli sürülən layihə yeganə yoldur”, - siyasətçi bildirib.

 

"Əgər Ərdoğan hakimiyətdən gedərsə, birmənalı olaraq bu Türkiyənin Cənubi Qfqaz siyasətinə mənfi təsir edəcək. Uzun illərdir Azərbaycan və Türkiyə iqtidarının qurduğu münasibətlər var. Eyni zamanda Azərbaycanda baş verən proseslərə bağlılıq məsələsi var. Kılıçdaroğlu seçildiyi halda, heç bir şeyi dəyişmək istəmiyəcək və indiki halda Azərbaycanla münasibətlərə davam edəcək. Bu halda ona və komandasına ən azı il yarım vaxt lazım olacaq ki, proseslərə müdaxilə edə bilsinlər. Bu bir il yarım vaxtda Azərbaycan üçün çox önəmlidir. Çünki hələdə Azərbaycanda Qarabağ və sərhəd məslələri həll olunmayıb. Eyni zamanda Rusiya və İranla olan problemlərdə öz həllini tapmayıb. Düşünürəm ki, Kılıçdaroğlunun hakimiyyətə gəlməsi Cənubi Qafqazda Türkiyənin varlığını şüphə altına salacaq. Ona görə də Ərdoğanın hakimiyyətdə qalması Azərbaycan və region üçün çox önəmlidir”, - partiya sədri bildirib.

 

Ötən cümə axşamı "Məmləkət" Partiyasının lideri Məhərrəm İncə prezident seçkilərində iştirakdan imtina etdiyini açıqlayıb. Səbəb kimi o, təfərrüatları dəqiqləşdirmədən ona müxtəlif təxribatlar, ittihamlar və dezinformasiyalar şəklində təzyiqlər olduğunu göstərib. Türkiyənin siyasi dairələrindən verilən məlumata görə, siyasətçi sosial şəbəkələrdə onun iştirakı ilə bağlı qeyri-əxlaqi videogörüntülərin yayılmasından sonra seçkilərdə iştirakdan imtina etmək qərarına gəlib.

Türkiyənin hazırkı prezidenti Ərdoğan və müxalifət lideri Kamal Kılıçdaroğlu ən yüksək dövlət postuna əsas namizədlər hesab edilir. Birinci turda qalib gəlmək üçün 50% səs və bir səs toplamaq lazımdır. Əks halda ikinci tur mayın 28-də baş tutacaq. Analitiklər Türkiyədə seçkilərin iki turda keçiriləcəyini istisna etmirlər.