Paşinyan: Azərbaycanın 86,6 min kvadratmetr ərazisini tanıyırıq
17.05.2023 17:10
Ermənistan Azərbaycanın suverenliyini öz sərhədləri daxilində 86,6 min kvadratmetr ərazidə tanıyır. Bunu çərşənbə günü Avropa Şurasının Reykyavikdə keçirilən sammitində Ermənistan hökumətinin başçısı Nikol Paşinyan deyib.
O bildirib ki, Qarabağda nizamlanma dialoq yolu ilə aparılmalıdır.
2020-ci il noyabrın 9-da Rusiya prezidenti Vladimir Putin, Azərbaycan prezidenti İlham Əliyev və Paşinyan Qarabağda hərbi əməliyyatların tam dayandırılması ilə bağlı birgə bəyanat imzalayıblar.
Sənədə əsasən, Azərbaycan və Ermənistan tərəfləri öz mövqelərində dayanıb, bir neçə rayon Bakının nəzarətinə keçib, təmas xətti boyunca və Laçın dəhlizində Rusiya sülhməramlıları yerləşdirilib. Daha sonra üç ölkənin liderləri regiondakı vəziyyətlə bağlı daha bir neçə birgə bəyanat qəbul ediblər. 2022-ci ildə Azərbaycan və Ermənistan sülh müqaviləsini müzakirə etməyə başlayıblar.
Gülnar
www.anews.az
Son xəbərlər 
Daha çox
Foto 
Video 
