ABŞ Ermənistan-Azərbaycan sərhədindəki vəziyyətə münasibət bildirib
16.06.2023 12:03
ABŞ Azərbaycan və Ermənistan arasında baş verən gərginlikdən narahatdır. Bunu ABŞ Dövlət Departamentinin mətbuat xidmətinin rəhbəri Metyu Miller keçirdiyi brifinqdə Azərbaycan-Ermənistan sərhədindəki insidentlə bağlı sualı cavablandırarkən deyib.
"Biz hər iki tərəfi qalan fikir ayrılıqlarını aradan qaldırmaq üçün birlikdə işləməyə çağırırıq. Geniş mənada deyəcəyəm - bildiyiniz kimi, dünən danışdığımız kimi, biz razılığın əldə oluna biləcəyinə inanırıq və hər iki tərəfi irəliləməyə inandırmağı səbirsizliklə gözləyirik”, - Metyu Miller bildirib.
Ötən gün və bu gün Ermənistan Silahlı Qüvvələri bir neçə istiqamətdə təxribata əl atıblar, nəticədə bir Azərbaycan hərbçisi yaralanıb. Müdafiə Nazirliyinin yaydığı məlumatda bildirilib ki, Azərbaycan Ordusu tərəfindən lazımi cavab tədbirlər görülüb.
Mayın 1-4-də Vaşinqtonda Ermənistan və Azərbaycanın xarici işlər nazirləri Ararat Mirzoyan və Ceyhun Bayramov arasında danışıqlar olub. ABŞ dövlət katibi Entoni Blinkenin iştirakı ilə regional təhlükəsizlik və sabitlik məsələləri də müzakirə olunub.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
