Qərbin Azərbaycanla Ermənistan münasibətlərində niyyəti səmimi deyil - Lavrov

"Təəssüf ki, ABŞ-ın indi və Avropa İttifaqının gördüyü işlərdə biz artıq danışıqlara kömək etmək arzusunu yox, regiona nüfuz etmək istəyini, Rusiya Federasiyasının qanuni maraqlarına təzyiq göstərmək istəyini görürük. Burada məqsəd demək olar ki, həlledici rol oynayacaq bəzi qüvvələr kimi özünü göstərmək istəyidir”, - Rusiya Xarici İşlər Nazirliyinin rəhbəri Kollektiv Təhlükəsizlik Müqaviləsi Təşkilatına üzv dövlətlərin Xarici İşlər Nazirləri Şurasının (XİNŞ) iclasının yekunları üzrə jurnalistlərə bildirib.

 

Nazir bildirib ki, həm Bakı, həm də İrəvan Rusiyanın tərəfdaşıdır və Qərb də bunu yaxşı başa düşür. 

"Razılaşmaların əldə olunması yalnız Rusiya və Azərbaycan prezidentləri və Ermənistanın baş naziri tərəfindən imzalanmış həmin üçtərəfli sazişlərin icrası çərçivəsində mümkündür”, - Lavrov söyləyib. 

 

Rusiyanı nazir xatırladıb ki, iki ölkə arasında bəyanat Rusiya prezidentinin şəxsi müdaxiləsi sayəsində imzalanıb. 

Ermənistanla Azərbaycan arasında iyunun 12-də Vaşinqtonda keçirilən görüş məlum olmayan səbəblərdən təxirə salınıb. 

 

Mayın 1-4-də Vaşinqtonda Ermənistan və Azərbaycanın xarici işlər nazirləri Ararat Mirzoyan və Ceyhun Bayramov arasında danışıqlar olub. ABŞ dövlət katibi Entoni Blinkenin iştirakı ilə regional təhlükəsizlik və sabitlik məsələləri də müzakirə olunub. 

 

Gülnar Nazimqızı