Moldovada “Qazprom”dan qaz alışının mənasız olduğunu bəyan etdilər

Moldova Rusiyanın "Qazprom” şirkətindən təbii qazın daha çox alınmasının mənasını görmür. Bunu TV8 telekanalının efirində respublikanın energetika naziri Viktor Parlikov deyib.


"İndi ölkə Rusiya konsernindən qaz almağın mənasını görmür. "Qazprom”un qiymətləri aşağı olsa belə, onların tədarük edəcəyi həcmlərin kifayət etməməsi tamamilə mümkündür”, - Parlikov bildirib.


Onun sözlərinə görə, Rusiya və Moldova tərəfləri bu və ya digər şəkildə öz öhdəliklərini tam yerinə yetirmir. Məsələn, Moldova "Qazpromu” yanacaq tədarükünü əsassız olaraq azaltmaqda ittiham edir. Eyni zamanda, Moldova hakimiyyəti əvvəllər verəcəyinə söz verdikləri borcla bağlı auditin nəticələrini hələ də göstərməyib.


İyunun 11-də Energocom-un rəhbəri vəzifəsini icra edən Viktor Binzari bildirib ki, Moldovanın dövlət enerji şirkəti yayda Moldovaya qaz tədarük edəcək Avropa operatorları arasında iki yeni təchizatçı tapa bilib.



www.anews.az