Rusiyada hərbi vəziyyəti pozmağa görə 30 sutka həbs cəzası veriləcək
24.06.2023 18:20
Rusiya Prezidenti Vladimir Putin hərbi vəziyyət rejiminin pozulması ilə bağlı qanunu imzalayıb.
Bu barədə TASS məlumat yayıb.
Qanuna əsasən, marşrut kartı olmadığı halda, cərimə ödənilənə qədər sərnişin daşımalarının həyata keçirilməsi məhdudlaşdırılır.
Sənəddə qeyd olunub ki, "Hərbi vəziyyət haqqında” və digər qanun və hüquqi aktlarla müəyyən edilmiş normalara riayət edilməməsinə görə fiziki şəxslər 1000 rubl məbləğində cərimə və ya 30 günə qədər inzibati həbs ediləcək.
Bu hərəkətlərdə cinayət tərkibi yoxdursa, vəzifəli şəxslər üçün 2000 rubl məbləğində cərimə və ya 30 günə qədər inzibati həbs nəzərdə tutulub.
Avtonəqliyyat vasitəsindən istifadə etməklə törədilən oxşar pozuntuya görə, əlavə cəza kimi onun müsadirəsi də nəzərdə tutula bilər.
www.anews.az
Oxşar xəbərlər
Oxşar xəbərlər
Foto 
Video 
