Azərbaycandan Ermənistana dizel yanacağı və Rusiya gübrəsi tədarükü davam edir

Bu gün "Azərbaycan Dəmir Yolları" QSC Biləcəri stansiyasından 1 984 ton dizel yüklənmiş 31 vaqon və 135 ton gübrə yüklənmiş 2 vaqondan ibarət qatarı Böyük Kəsik stansiyası istiqamətində yola salıb. Yük Gürcüstan ərazisi vasitəsilə tranzit keçərək Ermənistana çatdırılacaq.

Sonuncu dəfə fevralın 25-də 4 500 ton dizel daşıyan 39 vaqon, yanvarın 11-də 979 ton Aİ-92, yanvarın 9-da isə 2 698 ton neft məhsulu Ermənistana göndərilmişdi.

Yanacaq ixracı Azərbaycandan Ermənistana 2025-ci il dekabrın 18-dən başlayıb. Prezident İlham Əliyevin 2025-ci ilin oktyabrında verdiyi qərara əsasən, işğal dövründən bəri qüvvədə olan tranzit məhdudiyyətləri aradan qaldırıldıqdan sonra daşımalar davam edir.

Aytac