Təxribatların təkrar olunmayacağına təminat verilməlidir - Nazir

Laçın yolundakı sərhəd-keçid məntəqəsinə qarşı təxribatların təkrar olunmaması ilə bağlı Azərbaycana təminat lazımdır. Bunu Azərbaycan xarici işlər naziri Ceyhun Bayramov deyib.

Azərbaycana Laçın yolundakı sərhəd-keçid məntəqəsinə qarşı təxribatların bir daha təkrar olunmayacağına təminat lazımdır.  

"İyunun 15-də Ermənistan Laçın sərhəd-keçid məntəqəsini atəşə tutub və bu, oradan təhlükəsiz keçməyi çətinləşdirib. Azərbaycan tərəfinə Ermənistanın bu cür təxribatlarının gələcəkdə təkrar olunmayacağına dair təminat lazımdır", - Bayramov şənbə günü ölkənin xarici işlər naziri Ceyhun Bayramov Beynəlxalq Qızıl Xaç Komitəsinin (BQXK) Azərbaycandakı nümayəndəliyinin rəhbəri Draqana Kojiç ilə danışıqlarda deyib.

Görüş zamanı Bayramov və Koziç Azərbaycan ilə BQXK arasında əməkdaşlığın müxtəlif aspektlərini, eləcə də Laçın yolu ətrafındakı vəziyyəti müzakirə ediblər.

"Qeyd edilib ki, Azərbaycan tərəfi göstərilən zəruri tədbirlərin görülməsi ilə yanaşı, Ermənistan əhalisinin tibbi məqsədlər üçün sərhəd-keçid məntəqəsindən keçməsini və BQXK vasitəsilə lazımi dərman preparatlarının çatdırılmasını təmin etməyə hazırdır”, -  Azərbaycan XİN-dən bildirilib. 

İyunun 15-də Ermənistan silahlı qüvvələri Laçın dəhlizində 2023-cü il aprelin 23-də quraşdırılmış Azərbaycan sərhəd-buraxılış məntəqəsini atəşə tutub. Nəticədə Dövlət Sərhəd Xidmətinin (DSX) hərbçisi yaralanıb. Azərbaycan Xarici İşlər Nazirliyi baş verən hadisəni pisləyib və "beynəlxalq ictimaiyyəti Ermənistan tərəfinin bu təxribatını qətiyyətlə pisləməyə və Ermənistanı bölgədə sülh və sabitliyə hədə olan təcavüzkar hərəkətlərdən çəkinməyə" çağırıb. 
 
Baş verən insidentdən sonra Laçın sərhəd-keçid məntəqəsində avtomobillərin keçidi tam dayandırılıb.
 
Azərbaycan Respublikası Baş Prokurorluğunun məlumatında görə, "baş verənlərlə bağlı hərtərəfli təhqiqat aparılmayınca, eyni zamanda Ermənistan təxribata görə bütün məsuliyyəti öz üzərinə götürməyənə qədər bu, belə davam edəcək".

Azərbaycan Baş Prokurorluğunda faktla bağlı Cinayət Məcəlləsinin 29,120.2.1, 29,120.2.3, 29,120.2.4 və 29,120.2.11, 29,120.2.12-ci (bir qrup şəxs tərəfindən xidməti vəzifəsini yerinə yetirən şəxsi ümumi təhlükəli üsulla, terrorçuluqla əlaqədar və milli düşmənçilik niyyəti ilə öldürməyə cəhd), 214.2.1. 214.2.3 və 214.2.4-cü (qabaqcadan əlbir olan bir qrup şəxs tərəfindən odlu silahdan istifadə etməklə ağır nəticələrə səbəb olan terrorçuluq) maddələrilə cinayət işi başlayıb. 

Gülnar Nazimqızı

www.anews.az