Bakı ABŞ-ın səylərini yüksək qiymətləndirir - Əliyev

"Hazırda Cənubi Qafqazda davamlı sülhün bərqərar olması üçün əlverişli şərait formalaşıb. Biz Ermənistan-Azərbaycan münasibətlərinin normallaşması, normalara əsaslanan sülh müqaviləsinin hazırlanması prosesində ABŞ-ın səylərini yüksək qiymətləndiririk”, - Əliyevin təbrikində deyilir.

Azərbaycan Prezidenti Bakı ilə Vaşinqton arasında dostluq və əməkdaşlıq zəminində dinamik inkişaf edən münasibətlərin bir sıra sahələrdə strateji tərəfdaşlıq səviyyəsinə yüksəldiyini qeyd edib.

"Qlobal çağırışlar, beynəlxalq terrorizmə qarşı mübarizə, təhlükəsizlik məsələləri üzrə fəal və səmərəli birgə iş, iqtisadiyyatda qarşılıqlı fəaliyyət Azərbaycan və ABŞ arasında münasibətləri səciyyələndirən əsas amillərdir”, - Əliyev  bildirib. 

O, iki ölkə arasında enerji sahəsində əməkdaşlıqdan məmnunluğunu ifadə edib.

 

"ABŞ Azərbaycanın enerji strategiyasını bütün mərhələlərdə qətiyyətlə və ardıcıl dəstəkləyib. Biz enerji təhlükəsizliyinin təmin edilməsində ölkələrimizin sıx əməkdaşlığını, həyata keçirdiyimiz irimiqyaslı transmilli layihələrdə ABŞ-ın hərtərəfli dəstəyini xüsusilə yüksək qiymətləndiririk", - Əliyev vurğulayıb. 

Əliyev Bakının Vaşinqtonla əməkdaşlığı genişləndirmək istəyini də açıqlayıb.

"Bu gün biz bir sıra sahələrdə qarşılıqlı fəaliyyətimizin böyük potensialından istifadə edərək, Birləşmiş Ştatlar ilə əlaqələrimizi daha da genişləndirmək əzmindəyik. Əminəm ki, Azərbaycan ilə Azərbaycan arasında tərəfdaşlığın inkişafı və möhkəmləndirilməsi istiqamətində birgə səylərimizi ardıcıl surətdə davam etdirəcəyik. Birləşmiş Ştatlar dövlətlərimizin və xalqlarımızın mənafeyinə uyğun olaraq qarşılıqlı etimada və dəstəyə əsaslanır”, - Əliyev bildirib.