Albaniya Prezidenti Azərbaycana gəlib, qaz nəqli müzakirə mövzusu olacaq
06.07.2023 16:45
Albaniya Prezidenti Bayram Beqay bu gün Azərbaycana rəsmi səfərə gəlib. Bu barədə Azərbaycan prezidentinin rəsmi saytı xəbər verir.
www.anews.az
Prezident Bayram Beqayı və xanımı Armanda Beqayı hava limanında Azərbaycanın Baş nazirinin birinci müavini Yaqub Eyyubov, xarici işlər nazirinin müavini Fariz Rzayev və digər rəsmi şəxslər qarşılayıblar.
Səfər gedişində Azərbaycan qazının Albaniyaya nəqli məsələsinin müzakirə ediləcəyi gözlənilir.
2026-cı il oktyabrın 11-dən Trans-Adriatik Qaz Boru Kəməri (TAP) ilə əlavə 1,2 milyard kubmetr qazın Avropaya nəqli gözlənilir ki, bunun da 1 milyardı İtaliyaya, 200 milyonu isə Albaniyaya nəql ediləcək. .
Əlavə həcmin birinci hissəsinin 2026-cı ildən 2028-ci ilin dekabrına, ikinci hissəsinin isə 2026-cı ilin oktyabrından 2033-cü ilin sentyabrınadək çatdırılacağı gözlənilir. Beləliklə, infrastrukturun ilk modernləşdirilməsi 2025-ci ilin sonuna kimi həyata keçiriləcək.
Azərbaycan və Albaniya prezidentlərinin əvvəlki görüşlərində İlham Əliyev Albaniyanın daxili qaz sisteminin qurulmasına Azərbaycanın investisiya qoymağa hazr olduğunu bildirib.
Azərbaycan 2020-ci il dekabrın 31-dən Cənub Qaz Dəhlizi vasitəsilə Avropaya qaz nəql etməyə başlayıb. Cənub Qaz Dəhlizinin Avropa hissəsi olan Trans Adriatik Qaz Boru Kəməri (TAP) kommersiya istismarına başladıqdan indiyədək Avropaya ümumilikdə 22 milyard kubmetr qaz ixrac edilib.
Bu il Azərbaycan Avropaya 12 milyard kubmetr qaz ixrac etməyi planlaşdırır.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
