Türkiyənin valyuta ehtiyatları artıb
11.07.2023 17:22
2023-cü ilin iyununda Türkiyə Mərkəzi Bankının valyuta ehtiyatları 10,1 milyard ABŞ dollar artaraq 98,5 milyard ABŞ dollarından 108,6 milyard ABŞ dollarına çatıb. Bu barədə Türkiyənin maliyyə və xəzinə naziri Mehmet Şimşək tviter hesabına yazıb.
O bildirib ki, islahatlar proqramının əsas məqsədlərindən biri beynəlxalq ehtiyatlarla bağlı vəziyyəti yaxşılaşdırmaqdır.
Nazir bu dövr ərzində xalis ehtiyatların 14,2 milyard ABŞ dolları artdığını qeyd edib.
Ötən il Türkiyə Mərkəzi Bankının xalis beynəlxalq valyuta ehtiyatları son 20 ildə ən aşağı həddə düşərək 7,38 milyard dollar təşkil edib.
Mərkəzi Bankın valyuta ehtiyatları son illər lirənin məzənnəsinin qorunması üçün Mərkəzi bankın etdiyi valyuta intervensiyaları nəticəsində azalıb.
Aytac
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
